ثقــــب الأوزون

من ساعة ما سمعت فى 2004 إن ثقب الأوزون بدأ فى الزيادة بشكل ملحوظ والمثقفين بيتكلموا ان ده ممكن يأثر على حاجات كتير فى حياتنا وده الشيئ اللى بدأت أحسه فعلا مع شتاء عام 2006 إن كل فصل من فصول السنةأصبحت درجة الحرارة فيه غير العادى بمعنى

من المعروف إن مناخ جمهورية مصر العربية هو مناخ البحر المتوسط واللى بيكون حار جاف صيفا و معتدل ممطر شتاءا لكن بالفعل من شتاء عام 2006 وانا شايف ان الشتاء أصبح أكثر برودة من المألوف لكن الظهور الحقيقى فى هذا التغير هو صيف 2007 بداية من شهر يونيو 2007 واللى الحر فيه لأول مرة فى سنين عمرى اللى هى طبعا مش كتير أحس إن الصيف بهذه القسوة من الحرارة

وعلى فكرة مش شرط يكون ده راجع لثقب الأوزون ولكن انا خايف يكون هو ده السبب ومحدش واخد باله...ربنا يستر

آه بالحق...معلوماتى عن ثقب الأوزون مش اللى هى يعنى إنما اللى أعرفه إنه هو ثقب فى الغلاف الجوى بقطر معين يسمح بمرور أشعة الشمس فوق البنفسجية لأن هذه الأشعة بنسبتها المحددة اللى بتمر من الثقب بتكون مفيدة فى نمو البشر و المحاصيل الزراعية ولكن إذا زادت النسبة المسموح بيها فى المرور أصبحت بتؤدى وظيفة عكسية وهى -لا قدر الله- الإهلاك وليس النمو