وآدى كمان تانى رمضان ييجى وأعلق تعليقاتى الغريبة اللى هى بتعبر عن وجهات نظرى فى الحياة
المرة دى انا عايز اقول كذا حاجة حصلت قدامى وسمعتها أو شفتها
يعنى مثلا انا سمعت "يا عم هو الشيطان فاضى يوزلنا عشان نغلط .....الشيطان يا حبيبى عنده مهام اكبر من كده فى أمريكا والعراق واسرائيل والكلام ده" وده اللى انا شايفه فعلاً ولو انت أو انتى صرحاء مع انفسكم حتلاقوا الكلام ده حقيقى... اللى بنعمله غلط بره رمضان ونتحجج بأن الشيطان هو اللى بيوسوسلنا بيه هو هو اللى بنعمله فى رمضان مع كلنا عارفين ومتأكدين ان الشياطين كلها متكتفة فى رمضان
ولذلك علينا الإعتراف باننا احنا بقينا شياطين نفسنا
واحدة كمان " الناس كلها اتكبرت عن انها تقف لربنا فى الصلاة بالعرض فى طوابير .... ربنا وقفهم بالطول فى طوابير العيش والحكومة" وبصراحة الموضوع شارح نفسه ومش محتاج تعليق
وارجع تانى واقول نفس الحديث اللى انا لحد دلوقتى مش قادر اطبقه "خاب وخسر من ادركه رمضان ولم تغفر كل ذنوبه " وطبعا لا تعليق
No comments:
Post a Comment