الحكومة بدأت النهاردة تفعيل قنون المرور الجديد واللى من الواضح انه يهدف الى نقطتين
الأولى : انه يضمن سيولة وتحسين فى حركة المرور بالشارع المصرى ووقف الغلطات التى كانت تحدث فى الشارع من تسيب وعدم
انضباط فى الشارع من سائقى السيارات
الثانية : في حد اشترى صفقة شنط اسعافات أولية ومش عارف يسوقها وواضح انه يخص المسئولين فقالوا يساعدوه على بيع هذه الصفقة بالإكراه للشعب
شنطة الإسعافات دى هى اللى مضحكة قوى.... مينفعش تتصرف انت وتشتريها من صيدلية مثلاً. لأ لازم من ادارة المرور وده يمكن لأن الشنطة نفسها ذات مواصفات خاصة بمعنى انها بتحفظ مثلاً درجة حرارة الأشياء بداخلها على اساس ان القطن والشاش ممكن يحمضوا أو الميكروكروم ممكن يتخمر ........ وهكذا
والشنطة دى عليها غرامة اذا لم تكن تحملها 50 جنيه مصرى ولو كانت محتويات الشنطة غير كاملة فيه غرامة برضوا
وانا بتكلم مع خالى قاللى هو انا - لا قدر الله - لو حصلتلى حادثة هيبقى فيَه صحة انزل والف واجيب الشنطة عشان اسعف نفسى او حد معايا وانا قولتله يا خال السائقين المجاورين هما اللى ممكن يسعفوك من شنطهم قاللى طب وانا انزل اسعف واحد وبعد كام كيلو اقابل لجنة تلاقى الشنطة ناقصة فى محتواياتها تقوم ترزعنى غرامة .... وعلى ايه ... ماللى يكسر يكسر واللى يموت يموت وانا مالى
وبعد كده ميفضلشى غير انى اقول حسبى الله ونعم الوكيل
والى مفاجأة اخرى من مفاجآت الحكومة
